Ջոն Հիկս (Մեծ Բրիտանիա)
1972թ. - "Հավասարակշռության ընդհանուր տեսության մեջ նորարական ներդրման համար":
Ջոն Հիկս (1904-1989). Կրթություն է ստացել Օքսֆորդի համալսարանում, այնուհետև դասախոսել Լոնդոնի տնտեսագիտական դպրոցում, զբաղվել է հետազոտական աշխատանքով Քեմբրիջում, եղել է Մանչեստերի համալսարանի պրոֆեսոր: Նա ավելի քան 20 աշխատությունների հեղինակ է: "Աշխատավարձի տեսությունը" մենագրությունում տնտեսագիտական վերլուծության մեջ նա կատարում է երկու հիմնարար նորամուծություններ. որոշում է "սուբստիտուցիայի էլաստիկությունը" (արտադրության մեկ գործոնը մյուսով փոխարինելու ցուցանիշը) և որ էլաստիկության գործոնը ուղղակի հարաբերություն ունի եկամտի բաշխման և տնտեսական աճի հետ: Հիկսի գլխավոր աշխատությունը համարվում է "Արժեք և կապիտալ" ուսումնասիրությունը: Նա մշակել է դինամիկ հավասարակշռվածության տեսությունը. դինամիկան դիտելով որպես ստատիկ հավասարակշռվածության իրավիճակների հաջորդական շարք: Ընդհանրապես, նրա մտադրությունում տնտեսական սուբյեկտների սպասումները, հանդես են գալիս որպես համակարգի դինամիկան պայմանավորող գլխավոր գործոն:
Աշխատությունները. "Աշխատավարձի տեսությունը" (1932), "Արժեք և կապիտալ" (1939), "Ներդրում առևտրական ցիկլի տեսության մեջ" (1950), "Կապիտալը և աճը" (1965), "Տնտեսական պատմության տեսություն" (1969), "Քեյնսյան տնտեսագիտական տեսության ճգնաժամը" (1974), "Փողը, տոկոսը և աշխատավարձը" (1982),"Դինամիկ տնտեսության մեթոդները" (1985):
Մուտք
ՉԱՏ