Գիտե՞ք դուք արդյոք...


... որ Աստվածաշունչն առաջին տպագիր գիրքն է աշխարհում՝ 1452-1455 թթ.: Աստվածաշունչը նաև ամենաշատ թարգմանված գիրքն է աշխարհում: Միայն 19-րդ դարում այն թարգմանվեց 400 լեզուներով: 2000 թվականի վերջին Աստվածաշնչի թարգմանված լեզուների թիվն անցավ 1900-ից: Եթե նկատի առնվեն նաև բարբառները, ձայնապնակները, պնակիտները անգրագետների, կույրերի համար, Աստվածաշունչը մատչելի է դառնում 4300 լեզուներով: Տպաքանակով Աստվածաշունչը առաջինն է աշխարհում: 1900թ. 5 մլն Աստվածաշունչ և 7 մլն Նոր Կտակարան է տպագրվել, 2000 թվականին՝ 36 մլն Աստվածաշունչ և 57 մլն Նոր Կտակարան:

Աստվածաշունչն իր գոյատևմամբ եզակի է

Աստվածաշունչը դիմակայել է իր թշնամիների դաժան հարձակումներին: Շատերը փորձել են վառել, արգելել և հռոմեական կայսրերի օրերից մինչև ժամանակակից կոմունիստական իշխանությունները՝ օրենքից դուրս հայտարարել այն:

Մ.թ. 303 թվին հռոմեական կայսր Դիոկղետիանոսը հրովարտակ արձակեց, ըստ որի՝ արգելվում էր քրիստոնյաների պաշտամունքը և ոչնչացվում նրանց Սուրբ Գիրքը: «Կայսերական հրամանները հայտարարված էին ամենուր՝ հարկադրելով հողին հավասարեցնել եկեղեցիները և, կրակին հանձնելով, ոչնչացնել Սուրբ Գրքերը: Այն հայտարարում էր, որ բարձր պաշտոններ զբաղեցնողները կկորցնեն իրենց բոլոր քաղաքացիական իրավունքները, իսկ նրանց ընտանիքի անդամները, ովքեր համառորեն հավատարիմ են մնում քրիստոնեական հավատին, կզրկվեն իրենց ազատությունից» (Greenslade, CHB, 476):

Այս իրադարձության պատմական հեգնանքը գրառել է չորրորդ դարի եկեղեցական պատմագիր Եվսեբիոսը, որը գրել է, որ Դիոկղետիանոսի հրովարտակից քսանհինգ տարի անց հռոմեական կայսր Կոստանդինը հրովարտակ արձակեց՝ հրամայելով, որ Սուրբ Գրքի հիսուն օրինակ պատրաստվի կառավարության միջոցներով:

Դարեր անց ֆրանսիացի նշանավոր անհավատ Վոլտերը, որը մահացավ 1778 թվին, հայտարարեց, որ իր օրերից հարյուր տարի անց քրիստոնեությունը կանհետանա և կանցնի պատմության գիրկը: Բայց ի՞նչ կատարվեց: Վոլտերն անցավ պատմության գիրկը, մինչդեռ Աստվածաշնչի շրջանառությունը շարունակում է ընդարձակվել աշխարհի գրեթե բոլոր ծայրերում՝ ամենուր տանելով իր օրհնությունը:

Ինչ վերաբերում է Վոլտերի կանխագուշակությանը, թե քրիստոնեությունն ու Աստվածաշունչը կոչնչանան հարյուր տարվա ընթացքում, Գեյսլերն ու Նիքսը նշում են, որ նրա մահից միայն հիսուն տարի անց Ժնևի Աստվածաշնչյան ընկերությունը Վոլտերի հրատարակչությունը և տունը դարձրեց Աստվածաշնչերի գրապահոց:

Աստվածաշնչի թշնամիները գալիս են ու անցնում, բայց Աստվածաշունչը մնում է: Հիսուս իրավացի էր, երբ ասում էր. «Երկինքն ու երկիրը կանցնեն, բայց իմ խոսքերը չեն անցնի» (Մարկ. 13.31):


Աղբյուր՝ «Վճռական վկայություն», Հատոր I, Ջոշ ՄաքԴաուել, http://crossnews.am/

Это изображение было использовано в Евангелии, опубликованного в Лондоне, где Армения представлена как место рождения человечества.