Ուրբաթ, 29 Մարտ 24, 12:35
094 91 93 23
095 91 95 25

Երևակայությունն ավելի կարևոր է, քան գիտելիքը: Ալբերտ Էնշտեյն

[ Նոր գրառումներ · Մասնակիցներ · Ֆորումի կանոններ · Որոնում · RSS ]
  • Էջ 1-րդ 1-ից
  • 1
Ֆորում » Հասարակություն / Կրթություն » Օրենսդրություն » Կենսաթոշակային բարեփոխումներ (Կենսաթոշակային բարեփոխումների մասին)
Կենսաթոշակային բարեփոխումներ
ArmEcoԱմսաթիվ: Ուրբաթ, 24 Մայ 13, 14:25 | Հաղորդագրություն # 1
Գեներալիսիմուս
Խումբ: Ադմինիստրատոր

Գրառումներ: 116
Նվերներ: 7
Վարկանիշ: 2

օֆլայն
Ներկայիս կենսաթոշակային համակարգը և դրա խնդիրները

Հայաստանում ներկայումս գործում է բաշխողական կենսաթոշակային համակարգ, ըստ որի ընթացիկ կենսաթոշակները վճարվում են պետական բյուջեի ընդհանուր եկամուտներից (վարձու աշխատողների, նրանց գործատուների և անհատ ձեռներեցների կողմից պետական բյուջե վճարվող հարկեր, սոցիալական ապահովության պարտադիր վճարներ և այլն):Գործող համակարգում առկա են մի շարք խնդիրներ, որոնք համակարգը դարձնում են ոչ գրավիչ և ֆինանսապես ոչ կայուն, մասնավորապես`

  • Բացակայում է ուղղակի կապը աշխատողի կողմից պետական բյուջե կատարված վճարումների չափի և նրա ապագա կենսաթոշակի չափի միջև:
  • Բաշխողական կենսաթոշակային համակարգի միակ «կառավարիչը» կառավարությունն է, որը հավաքագրում և վերաբաշխում է պետական բյուջեի միջոցները
  • Մյուս կողմից` կենսաթոշակի չափը կախված է պետական բյուջե հավաքագրվող միջոցների չափից: Այս առումով, որքան քիչ են աշխատողները և նրանց կողմից կատարված վճարումները և որքան շատ են կենսաթոշակառուները, այնքան ցածր է կենսաթոշակի չափը:
  • Գործատուների կողմից աշխատողների իրական թվի և վճարվող աշխատավարձերի չափի թերհաշվառումը ևս հանգեցնում է նրան, որ ունենում ենք ցածր կենսաթոշակներ:

    Հաշվի առնելով նշված խնդիրները` պետությունը ներդնում է նոր կենսաթոշակային համակարգ`
    ԲԱԶՄԱՍՏԻՃԱՆ ԿԵՆՍԱԹՈՇԱԿԱՅԻՆ ՀԱՄԱԿԱՐԳ:



    Բազմաստիճան կենսաթոշակային համակարգը

    Հայաստանում բազմաստիճան կենսաթոշակային համակարգը բաղկացած է երկու հիմնական բաղադրիչներից`
  • Բաշխողական կենսաթոշակային բաղադրիչ (բաշխողական կենսաթոշակներ)
  • Կուտակային կենսաթոշակային բաղադրիչ (կուտակային կենսաթոշակներ):



    Ինչ է կուտակային կենսաթոշակային բաղադրիչը

    Կուտակային կենսաթոշակային բաղադրիչն իր հերթին բաղկացած է պարտադիր և կուտակային կենսաթոշակային բաղադրիչներից:

    Պարտադիր կուտակային կենսաթոշակային բաղադրիչը գործում է հետևյալ կերպ. Դուք աշխատանքային գործունեության ընթացքում յուրաքանչյուր ամիս (որոշ դեպքերում` տարի) խնայում եք որոշակի գումար, որը կուտակվում է Ձեր անհատական կենսաթոշակային հաշվում: Պետությունն իր հերթին, որպես աջակցություն, Ձեր կենսաթոշակային հաշվին ավելացնում է Ձեր վճարածի չափով գումար:

    Կուտակված կենսաթոշակային միջոցները հատուկ մասնագիտացված կառույցների կողմից ներդրվում են ֆինանսական գործիքներում (արժեթղթերում` բաժնետոմսերում, պարտատոմսերում, բանկերում` ավանդների տեսքով և այլն), որոնք կառավարվելու են, և կառավարումից ստացված եկամուտները ևս մուտքագրվում են Ձեր կենսաթոշակային հաշվին:

    Երբ լրանում է Ձեր կենսաթոշակային տարիքը, Դուք ստանում եք Ձեր խնայած, պետության ավելացրած և դրանց կառավարումից կուտակված եկամտի հանրագումարը:

    Պարտադիր կուտակային կենսաթոշակային բաղադրիչը գործելու է 2014 թ. հունվարի 1-ից:

    Կամավոր կուտակային կենսաթոշակային բաղադրիչին մասնակցությունը կամավոր է, և մասնակցել կարող են բոլորը:

    Այս բաղադրիչի նպատակը բաշխողական և պարտադիր կուտակային կենսաթոշակներից բացի Ձեզ լրացուցիչ կենսաթոշակ ստանալու հնարավորություն ընձեռելն է:

    Այստեղ պետությունը մասնակցություն չունի (պետական բյուջեից հատկացումներ չեն կատարվում). այն ֆինանսավորվում է Ձեր անձնական եկամուտների կամ այլ անձի (օրինակ` գործատուի) կամավոր կուտակային վճարների հաշվին:

    Կամավոր կուտակային կենսաթոշակային բաղադրիչը գործում է 2011 թվականից:



    Որոնք են կուտակային կենսաթոշակային համակարգի առավելությունները

  • Առկա է ուղիղ, իրական և տեսանելի կապ Ձեր եկամտի, կատարված վճարների և կենսաթոշակի չափի միջև: Կուտակային կենսաթոշակային համակարգի ներդրմամբ յուրաքանչյուր մասնակից ունենալու է իր անհատական կենսաթոշակային հաշիվը, որտեղ կուտակվելու են մասնակցի եկամտից և պետության կողմից (եթե դրանք նախատեսված են) կատարված վճարները:Այսինքն,կուտակային կենսաթոշակային համակարգը թույլ է տալիս ինքնուրույն ծրագրել Ձեր ապագան և ապահովել բարեկեցիկ ծերություն:
  • Կենսաթոշակային միջոցները յուրաքանչյուր մասնակցի անձնական սեփականությունն են և ժառանգության իրավունքով կարող են փոխանցվել ժառանգներին
  • Անհատական հաշիվներում կուտակված կենսաթոշակային միջոցները թափանցիկ են, վերահսկելի և կառավարելի հաշվետիրոջ համար:
    Կենսաթոշակային միջոցների կառավարման վերաբերյալ ցանկացած որոշում կայացնում եք Դուք:
    Ինքնուրույն կամ հատուկ մասնագետների օգնությամբ դուք եք ընտրում և հետագայում, ցանկության դեպքում, փոխում այն մասնագիտացված կառավարչին, որն իրականացնելու է կուտակային կենսաթոշակային միջոցների կառավարումը:
    Դուք ցանկացած ժամանակ հնարավորություն ունեք հատուկ ստեղծված ինտերնետային կայքի միջոցով պարզելու, թե ինչքան միջոցներ կան Ձեր կենսաթոշակային հաշվում:
    Դուք ստանալու եք նաև պարտադիր ուղարկվող հաշվետվություններ և հաշվի քաղվածքներ:

    Ովքեր են հանդիսանում ՊԱՐՏԱԴԻՐ կուտակային կենսաթոշակային բաղադրիչի ՊԱՐՏԱԴԻՐ մասնակիցներ



    Այլ անձինք, ինչպես նաև զինվորական ծառայողները և նրանց հավասարեցված անձինք (ոստիկանները, վարժական հավաքների կանչված զինապարտները, ՀՀ պաշտպանության մարտական գործողությունների մասնակիցները, քրեակատարողական հիմնարկների ծառայողները, դատական ակտերի հարկադիր կատարման ծառայության հարկադիր կատարողները) չեն հանդիսանում պարտադիր կուտակային կենսաթոշակային բաղադրիչի մասնակիցներ:

    ......... շարունակությունը կարդացեք նյութի աղբյուրում՝ ՀՀ կենտրոնական բանկի կողմից հատուկ ֆինանսական ոլորտի ծառայություններ սպառողների համար ստեղծված կայքում՝ http://abcfinance.am/am-pension_1.html

    Մաս 1-ին. ԿՈՒՏԱԿԱՅԻՆ ԿԵՆՍԱԹՈՇԱԿԱՅԻՆ ՀԱՄԱԿԱՐԳ


    Մաս 2-րդ. ՊԱՐՏԱԴԻՐ ԿՈՒՏԱԿԱՅԻՆ ԿԵՆՍԱԹՈՇԱԿԱՅԻՆ ԲԱՂԱԴՐԻՉ


    Տեսանյութերի աղբյուրը՝ http://abcfinance.am/am-pension_5.html
  • Կցված նյութեր: 8160721.jpg (17.4 Kb) · 8421579.jpg (143.9 Kb) · 9213065.jpg (19.4 Kb) · 3416945.jpg (61.0 Kb) · 8388082.jpg (69.2 Kb)





     
    ArmEcoԱմսաթիվ: Կիրակի, 24 Նոյ 13, 17:01 | Հաղորդագրություն # 2
    Գեներալիսիմուս
    Խումբ: Ադմինիստրատոր

    Գրառումներ: 116
    Նվերներ: 7
    Վարկանիշ: 2

    օֆլայն
    ԿԵՆՍԱԹՈՇԱԿԱՅԻՆ ՖՈՆԴԵՐԻ ՏԵՍԱԿՆԵՐԸ

    Այս հոլովակը Ձեզ կներկայացնի կուտակային կենսաթոշակային համակարգում գործող 3 ֆոնդերը՝

    Կայուն եկամտային ֆոնդը համեմատաբար ցածր ռիսկային է և ապահովում է կայուն, ոչ բարձր եկամտով. ֆոնդի միջոցներն ամբողջությամբ` 100%-ով,ներդրվում են ամրագրված եկամուտ ապահովող և ցածր ռիսկային ֆինանսական գործիքներում (օրինակ` ավանդ, պարտատոմս և այլն):Այս ֆոնդերը նախընտրելի են այն են այն մասնակիցների համար, ովքեր գերադասում են ստանալ կայուն, ոչ բարձր եկամուտ:
    Պահպանողական ֆոնդը միջին ռիսկային է և կարող է ապահովել քեզ բարձր եկամտով. ֆոնդի միջոցները, բացի ամրագրված եկամուտ ապահովող ֆինանսական գործիքներից, որոշ չափով (մինչև 25%) ներդրվում են համեմատաբար ռիսկային ֆինանսական գործիքներում (օրինակ` բաժնետոմսերում): Այս ֆոնդերը նախընտրելի են այն մասնակիցների համար, ովքեր հիմնականում հակված են բարձր եկամուտ ստանալու և պատրաստ են դիմելու նաև որոշակի ռիսկի:
    Հավասարակշռված ֆոնդը համեմատաբար բարձր ռիսկային է և կարող է ապահովել ավելի բարձր եկամտով. ֆոնդի միջոցները հավասարապես ներդրվում են ամրագրված եկամուտ ապահովող (մինչև 50%) և ռիսկային ֆինանսական գործիքներում (մինչև 50%):Այս ֆոնդերը նախընտրելի են այն մասնակիցների համար, ովքեր հակված են դիմելու ռիսկի` ակնկալելով ստանալ ավելի բարձր եկամուտ:
    Մասնակիցներին կենսաթոշակային ֆոնդից վճարումները կատարվում են (վերադարձվում են ֆոնդի ակտիվներում մասնակցի փային համապատասխանող դրամական միջոցները) կենսաթոշակի ձևով` մասնակցի կենսաթոշակային տարիքը լրանալուց հետո:

    Կտեղեկանաք, թե որ ֆինանսական գործիքներում կարող եք ներդրնել Ձեր կուտակումները, և ինչպիսի եկամուտ կապահովի նրանցից յուրաքանչյուրը, ինչ կլինի ֆոնդի ընտրության բացակայության դեպքում:






     
    Ֆորում » Հասարակություն / Կրթություն » Օրենսդրություն » Կենսաթոշակային բարեփոխումներ (Կենսաթոշակային բարեփոխումների մասին)
    • Էջ 1-րդ 1-ից
    • 1
    Որոնել: