Մուտք
Էժան դրամ (дешевые деньги, cheap money, easy money). դրամ, որը կարելի է ստանալ համեմատաբար հեշտությամբ և ցածր տոկոսով՝ ավելցուկային բանկային պահուստների բավականին մեծ առաջարկի հետևանքով: Տերմինը նաև նշանակում է մի իրավիճակ, երբ իշխանությունները ձգտում են խթանել տնտեսական աճը՝ ցածր տոկոսադրույքների, բանկային վարկի էժանացման միջոցով: Կենտրոնական բանկն այդ նպատակով իրականացնում է հետևյալ միջոցառումները՝ բանկային տոկոսի հաշվարկային դրույքի (վերաֆինանսավորման տոկոսադրույքի) իջեցում (որով կենտրոնական բանկը վարկեր է տրամադրում առևտրային բանկերին), կենտրոնական բանկում տեղաբաշխվող՝ բանկերի պարտադիր պահուստների նորմատիվի իջեցում, կենտրոնական բանկի կողմից առևտրային բանկերի ունեցած պետական արժեթղթերի գնում: Արդյունքում ավելանում են բանկերի ազատ դրամական միջոցները, ստեղծվում են նպատավոր պայմաններ բանկերի կողմից ոչ թանկ վարկ տրամադրելու համար:
"Էժան" փողերի քաղաքականություն (политика дешевых денег, easy-money policy). շրջանառության մեջ փողի զանգվածը մեծացնելու քաղաքականություն, այլ կերպ` իշխանության և բանկերի կողմից անցկացվող քաղաքականություն, որն ուղղված է վարկերի տոկոսադրույքների փոքրացման միջոցով բանկային վարկի ընդլայնմանը:
Էլաստիկության գործակից. պահանջարկի (առաջարկի) մեծության տոկոսային փոփոխության և ապրանքի գնի տոկոսային փոփոխության հարաբերությունը:
Էլեկտրոնային բանկային ծառայություններ (электронные банковские услуги, electronic banking). բանկային գործառնություններ, որոնք իրականացվում են համակարգչային համակարգերի միջոցով: Դրանք հիմնականում դրամական փոխանցումներն են և այլ բանկային ծառայությունները, որոնք իրականացվում են հեռավորության վրա էլեկտրոնային ազդանշանների (հեռախոսային գծեր, տերմինալներ) օգնությամբ: Իջեցնում են ծառայությունների արժեքը և բարձրացնում արդյունավետությունը:
Էլեկտրոնային գնում (электронная покупка, electronic shoping). հեռուստացույցով ցուցադրվող ապրանքների գնում, որն սպառողը կատարում է տանը՝ ապրանքը պատվիրելով հեռախոսով կամ համակարգչով:
Էլեկտրոնային թվային ստորագրություն (электронно-цифровая подпись, electronic signeture). տեղեկատվություն հաղորդող անձի կոդավորված (ծածկագրված) նույնականացման համար, որն օգտագործվում է "հաճախորդ-բանկ" համակարգչային համակարգով ֆինանսական փաստաթղթեր փոխանցելիս: Տեղեկատվությունը ի կատարումն է ընդունվում, եթե իդենտիֆիկատորը համընկնում է ընդունող կողմի մոտ գտնվող նմուշի, էտալոնի հետ:
Էմբարգո. 1) ապրանքի որոշակի տեսակների, արժեքների, ոսկու, արժեթղթերի արտահանման կամ ներմուծման վրա պետական արգելքի սահմանում, 2) ՄԱԿ-ի որոշմամբ որոշ երկրների հետ առևտրի շրջափակում, որպես տվյալ երկրի կողմից ՄԱԿ-ի կանոնադրության խախտման համար պատժամիջոց:
Էմիսիոն բանկ (эмиссионный банк, ---bank). բանկ (որպես կանոն` կենտրոնական բանկ), որն օրենսդրորեն օժտված է բանկնոտներ թողարկելու, երկրում դրամաշրջանառությունը, արտարժույթի փոխարժեքը և վարկը կարգավորելու, երկրի արժութային պահուստների պահպանման մենաշնորհային իրավունքով: Նրանք իրականանցնում են բանկային տոմսերի (բանկնոտների) թողարկում և վարկային համակարգի կենտրոնն են: ՀՀ-ում միակ էմիսիոն բանկը ՀՀ կենտրոնական բանկն է:
Էս Դի Ար (СДР, SDR). փոխառության հատուկ իրավունքներ: Արժույթի միջազգային հիմնադրամի կողմից թողարկվող պահուստային և վճարման միջոց, որը ներկայացվում է վճարային հաշվեկշիռների մնացորդի կարգավորման, պահուստների համալրման, ԱՄՆ-ի հետ հաշվարկների համար: 1969 թվականից գոյություն ունի որպես հաշվառման միավոր, իսկ 1979թ-ից՝ միջազգային արժութային համակարգի հիմնական պահուստային միջոց: SDR-ի արժեքը սկզբում որոշվում էր ԱՄՆ-ի դոլարի ոսկյա պարիտետով (այն ժամանակ՝ մեկ ունցիան՝ 35 դոլար): 1976թ. այն որոշվում էր 16 երկրների արժույթների զամբյուղի հիման վրա: 1981թ. SDR-ի արժեքը որոշվում էր հինգ հիմնական արժույթների հիման վրա: Դոլարային գինը որոշվում է ամեն օր:
Էքստենսիվ աճ. որն ապահովվում է արտադրության մեջ ռեսուրսների ավելի մեծ ծավալ ընդգրկելու հաշվին:
ՉԱՏ