Սուրճի սիրահարներ, արդյոք մտածե՞լ եք, որ ձեր այնքան սիրած և պաշտած սուրճը կարող է նաև արտացոլել ձեր բնավորության որոշ գծեր, նայած թե սուրճի ինչպիսի համ կնախընտրեք:
Համաձայն գերմանացի հոգեբանների կարծիքի` սուրճի յուրաքանչյուր տեսակ` դառը, քաղցր, կաթով, առանց կոֆեինի, համապատասխանում է մարդկանց նկարագրի որոշ գծերի:
Աղացած դառը սուրճ սիրողները զորեղ անհատականության տեր անձինք են, նախաձեռնող են և չեն ամաչում իրենց սխալներից: Կյանքում իրապաշտ են և գործնական:
Աղացած քաղցր սուրճ սիրողներն անինքնավստահ և դժվար որոշումներ ընդունող անձինք են: Նրանք չեն սիրում պատասխանատվություն ստանձնել, կարիք ունեն ուրիշի աջակցության` հատկապես դժվար պահերին:
Փրփուրով սուրճ սիրողներն հաճախ են առաջնորդվում իրենց զգացմունքներով և ոչ թե բանականությամբ: Նրանք ունեն բազմանդամ և համերաշխ ընտանիք, նախընտրում են իրենց ազատ ժամանակը տրամադրել ընտանիքին: Այլ խոսքով` նրանք բարի և ազնիվ մարդիկ են:
Լուծվող սուրճ նախընտրողները տրամաբանող և գործնական մարդիկ են, միշտ փնտրում են կտրուկ ճանապարհ և առանց ավելորդ խոսքերի անցնում գործի:
Առանց կոֆեինի սուրճի սիրահարները հավասարակշռված և այլազան հետաքրքրությունների տեր անձինք են, ընդհանրապես անձնասեր չեն, ոչ էլ փառասեր:
Մուտք
5779
| 
ՉԱՏ