Չմոռանա՛ս տեղադրել նաև քո աշխատանքը.
...այն կարող է օգտակար լինել նրա համար,
ով այս աշխատանքը տեղադրել է քեզ համար...

Ազատ շուկայական հարաբերությունների ձևավորման և զարգացման պայմաններում զգալիորեն բարձրանում է արդյունավետ դրամավարկային քաղաքականության վարման, հետևաբար բանկային համակարգի և բանկերի գործունեության կատարելագորման ուղիները և դերը: Առողջ բանկային համակարգը տնտեսության զարգացման գրավականներից է, քանի որ բանկերը շուկայական տնտեսությունում կատարում են հետևյալ կարևոր ֆունկցիաները`
-միջնորդություն վարկավորման գործընթացում դրամական և գործող կապիտալի միջև,
-միջնորդություն վճարման գործընթացում,
-դրամական եկամուտների և խնայողությունների կուտակում, դրանց վերածումը կապիտալի,
-վարկային միջոցների շրջանառության ապահովում:
Այսինքն` բանկերն իրենցից ներկայացնում են ձեռնարկատիրական գործունեության հատուկ տեսակ, որը կապված է վարկային կապիտալի շարժի, կենտրոնացման և բաշխման հետ, ուստի ինչքան զարգացած է բանկային համակարգը, այնքան շատ են տնտեսության զարգացմանը նպաստող պայմանները:
Այդ առումով կարևոր է ուսումնասիրել բանկային ծառայությունների տնտեսական բովանդակությունը, դրանց կազմակերպական ձևերը:
Տնտեսագիտության մեջ ընդունված է այն տեսակետը, որ ''Ֆիրման բիզնեսի իրավաբանական կազմակերպման ինքնուրույն ձև է, հաստատված կարգով գրանցված ձեռնարկատիրական միավոր, որն ունի առևտրային ինքնուրույնություն, ընդ որում զարգացած շուկայական տնտեսությունում դրանք բազմազան են'' .սրան վերաբերում է նաև բանկային գործունեությունը: Յու. Ա. Լվովը գտնում է, որ ''ըստ տնտեսական կարգավիճակի բանկերը բաժնետիրական տիպի մասնավոր կորպորացիաներ են, որոնց հիմնական նպատակը շահույթի ստացումն է: