Մուտք
Յան Տինբերգեն (Նիդեռլանդիա)
1969թ. - "Տնտեսական պրոցեսների վերլուծության նկատմամբ դինամիկ մոդելների զարգացման և կիրառության համար":
Յան Տինբերգեն (1903-1994). 1926-ին ավարտել է Լեյդենի համալսարանը, որտեղ ուսումնասիրել է մաթեմատիկական ֆիզիկա: Ասպիրանտուրայում ուսանելու տարիներին նա սկսում է զբաղվել տնտեսագիտությամբ, 1929-ին ստանալով դոկտորի աստիճան: 1930-ական թվականներին Ֆրիշի հետ միասին ստեղծել է նոր գիտություն` էկոնոմետրիկա, միավորելով վիճակագրությունը և տնտեսական վերլուծությունը: Այդ հիմքի վրա Տինբերգենը ստեղծել է հոլանդական տնտեսության աշխատող մոդել՝ բաղկացած շուրջ երեք տասնյակ մաթեմատիկական հավասարումներից: Ավելի ուշ այդպիսի մոդել նա կառուցել է ամերիկյան տնտեսության համար: Տինբերգենի տեսության համաձայն տնտեսական աճը միշտ ընթանում է անհավասարաչափ ձևով, որպես բարձր տեմպերի և անկումների ցիկլային հաջորդափոխություն` 40-60 տարի ընդգրկող "երկարատև ալիքների" ձևով: 1966-ին նա ընտրվել է ՄԱԿ-ին կից զարգացման պլանավորման կոմիտեի նախագահ: 1975-ին Հռոմեական ակումբի հանձնարարությամբ Տինբերգենը պատրաստում է զեկուցում գլոբալ սոցիալ-տնտեսական պրոբլեմների վերաբերյալ սկզբնավորելով գլոբալացումը որպես գիտություն, հիմնավորելով նոր միջազգային կարգի գաղափարը:
Աշխատությունները. "Տնտեսական ցիկլը Միացյալ նահանգներում 1919-1932թթ." (1939), "Տնտեսական աճի մաթեմատիկական մոդելները" (1942), "Տնտեսական քաղաքականություն: Սկզբունքները և պլանը" (1956), "Տնտեսական քաղաքականության տեսության մասին" (1952), "Եկամուտների բաշխումը" (1975), "Միջազգային կարգի վերանայում" (1980):
ՉԱՏ