Շատերը, որոնք կյանքում անհաջողության են մատնվել, դրանք մարդիկ են, որոնք այդպես էլ չհասկացան, թե ինչքան մոտ էին գտնվում հաջողությանը այն պահին, երբ հանձնվեցին... Թոմաս Էդիսոն
Ասում են, որ երջանկությունը փողի մեջ չէ, սակայն մենք այնուամենայնիվ ցանկանում ենք հնարավորինս շատ փող ունենալ: Որոշ մարդիկ լավ գիտեն, թե ինչպես աշխատել այնքան գումար, որպեսզի ապահովեն ոչ միայն իրենց, այլև իրենց թոռներին ու ծոռներին: Մինչդեռ այլք անգամ ծայրը ծայրին չեն կարողանում հասցնել: Անդրեյ Մակրիցայի ու Ալեքսանդր Գոլդենբերգի գրքում առանձնացված են որոշակի տարբերություններ աղքատների ու հարուստների միջև: Այս մտքերի մի մասը գուցե կարծրատիպային են, բայց կան և այնպիսի մտքեր, որոնք արտացոլում են ճշմարտությունը:
Հարուստը խնայում է իր միջոցներն ու ժամանակը: Աղքատը մինչև վերջին կոպեկը ծախսում է աշխատածը, իսկ հարուստը գործի մեջ է ներդնում իր աշխատածը: Աղքատը շռայլորեն թեյավճար է թողնում, իսկ հարուստը զուսպ է այդ հարցում: Աղքատը գնում է ապրանքն այն գնով, որով այն վաճառվում է, իսկ հարուստը սակարկում է: Աղքատը գնում է ամենաէժանը և սիպված է լինում կրկնակի թանկ վճարել դրա դիմաց: Հարուստ մարդը երբեք ավելորդ գումար չի ունենում, իսկ աղքատը ունենում է: Հարուստը գրեթե երբեք իրեն թույլ չի տալիս չնախատեսված գնումներ անել, մինչդեռ աղքատն ավելի ազատ է այդ հարցում: Ապահովված մարդու սկզբունքը. «Մենք այնքան հարուստ չենք, որպեսզի մեզ թույլ տանք էժանագին ապրանքներ գնել»: Աղքատն օգնում է աղքատներին, իսկ հարուստը՝ հարուստներին: Հարուստը գումարը ներդնում է այնպիսի գործի մեջ, որը եկամուտ կբերի, իսկ աղքատը՝ այնպիսի գործի մեջ, որը կծածկի ծախսերը: Ի տարբերություն աղքատի՝ հարուստը գիտի, թե ինչի վրա է ծախսել յուրաքանչյուր կոպեկը: Աղքատն աչքի է ընկնում վերացական մտածողությամբ, իսկ հարուստի մտքում ստույգ թվեր են: Աղքատն ատում է հարուստին, իսկ հարուստն անտարբեր է աղքատի հանդեպ: Աղքատը հարուստից տարբերվում է անհամբերությամբ ու շտապողականությամբ: Ամեն հարուստ չէ, որ իսկապես հարուստ է:
Իմաստուն մտքեր հարստության և աղքատութան մասին՝
1. Հարստությունը նման է ծովի ջրին. ինչքան շատ ես խմում, այնքան շատ ես ծարավում: Շոպենհաուեր
2. Այնտեղ, որտեղ չկան հարուստներ, չկան և աղքատներ: Այնտեղ, որտեղ ոչ ոք չափազանց շատ կարողություն չունի, մարդիկ կարիքի մեջ չեն ապրում: Ֆիլդինգ
3. Այն փողը, որին տիրում ես, ազատության գործիք է, իսկ այն փողը, որի հետևից ես ընկնում՝ ստրկության գործիք: Ժան Ժակ Ռուսո
4. Մարդը հարուստ կամ աղքատ է ոչ թե իր ունեցվածքով, այլ իր ներքին բովանդակությամբ: Բիշեր
5. Ժլատը չէ իր հարստության տերը, այլ հարստությունն է ժլատի տերը: Բիոնես Բիրոստենիտոս
6. Հարստության մեջ սիրտն ավելի արագ է կարծրանում, քան ձուն է պնդանում եռացող ջրում: Բյոռնե
7. Բարի անունը բազում գանձերից ավելի թանկ է: Գվիչարդինի
8. Ուրիշի փողը երջանկություն չի բերում: Գիտրի
9. Նա է ամենից հարուստը, ում ուրախություններն ամենից քիչ փող են պահանջում: Թորո
10. Մարդու հագուստի կարկատանը երբեք չի նսեմացրել նրան իմ աչքում: Թորո
11. Հաճախ ազնվությունն է աղքատության պատճառը: Կուրցիոս
12. Հարստությունը կարող է ծառայել մարդուն, սակայն այն կարող է նաև ստրկացնել նրան: Հորացիոս
13. Նրանք, ովքեր կարծում են, թե փողն ամեն ինչ է, անկասկած, հանուն փողի պատրաստ են ամեն ինչի: Բոշեն
14. Ոսկե սանձը յաբուին նժույգ չի դարձնի: Սենեկա Կրտսեր
15. Հարստությունն ու պատիվը երբեք չեն բուժի վիրավոր սիրտը: Թոմաս Ֆուլեր
16. Փողը լավ ծառա է, սակայն վատ տեր: Դյումա որդի
17. Որքա՜ն աղքատ է նա, ով փողից բացի ոչինչ չունի: Գրաֆ
18. Փողը և ժամանակը ամենածանր բեռն են կյանքում: Դժախտ են նրանք, ովքեր դրանցից ավելի շատ ունեն, քան կարող են ծախսել: Սեմուել Ջոնսոն
19. Փողի վրա կենտրոնացած յուրաքանչյուր կյանք մահ է: Վերածնունդն անշահախնդրության մեջ է: Քամյու
20. Աղքատ ճամփորդի համար անգամ ահարկու ավազակը սարսափելի չէ: Յուվենալիուս
Մուտք
8445
| 
ՉԱՏ