Ճապոնացի գիտնականներն ապացուցել են, որ երկուշաբթին ծանր օր է: Ըստ գիտնականների տվյալների, երկուշաբթի առավոտյան աշխատանքը կարող է վաղաժամ մահվան պատճառ դառնալ: Ճապոնացի գիտնականների անցկացրած հետազոտությունը ցույց է տվել, որ երկուշաբթի առավոտյան սրտային նոպաների և կաթվածների թիվն զգալի աճում է: Հենց այդ ժամանակ է գրանցվում այդօրինակ հիվանդություններից մահացության աճը: "Մարդկանց մեծ մասը կիրակի օրերին ազատ է բարոյական և ֆիզիկական ծանրաբեռնվածությունից: Այդ պատճառով նրանց համար դժվար է հանգստից անցնել աշխատանքի",- ասում է բժիշկ Շուոգո Մուրակամին: Երկուշաբթի առավոտյան մարդկանց ճնշող մեծամասնության մոտ կտրուկ բարձրանում է ճնշումը, որն էլ բերում է ինքնազգացողության վատացման և նույնիսկ՝ մահվան: "Եթե մարդու զարկերակային ճնշումը պատկերացնենք գրաֆիկի տեսքով, երկուշաբթի առավոտվա տվյալը կլինի դրա ամենաբարձր կետը",- պնդում է Մուրակամին: Հետազոտությանը մասնակցել են 175 կամավորներ: Շաբաթվա ընթացքում գիտնականները հետևել են նրանց արյան ճնշմանը:

Եթե երկուշաբթին շաբաթվա ամենածանր օրն է, ապա հունվարի 24-ը տարվա ամենածանր օրն է: Այդ է պնդում բրիտանացի գիտնականը: Կարդիֆի համալսարանից դոկտոր Կլիֆ Արնալլն այսպիսի եզրակացության է եկել սոցիոլոգիական հարցումների վրա հիմնված բազմամյա հետազոտություննրի արդյունքնում: Հունվարին միշտ ամենազզվելի եղանակն է, ընդ որում այն փչանում է ամսվա կեսին: Ամսվա կեսին մարդիկ նաև սկսում են ծննդյան տոներին ու ամանորին կուտակված պարտքերը մարել: Սովորաբար մարդիկ, որոնք նոր տարում խոստացել են ինչ-որ բանից հրաժարվել կամ ինչ-որ բան անել հանդիսավոր կերպով հենց հունվարի վերջերին մոռանում են իրենց խոստացածը՝ իբրև "գիտակցության կարճատև մթագնում": Հունվարի վերջին մարդկանց մեծ մասն ուզում է փախչել ինչ-որ տեղ և ցրվել վատ տրամադրությունից: Նրանց ամեն ինչ զզվեցնում է և նրանց դրդապատճառների մակարդակը տարում իջնում է մինչև ամենացածր նշանագիծը: Ելնելով այս բոլոր գործոններից՝ դոկտոր Արնալլը, որը գլխավորում է Sky Travel ծրագիրը, ստեղծել է տարվա ամենավատ օրը որոշելու բանաձևը: Արդյունքնում այդ օրը հունվարի 24-ն է: