ԱրմԷկո.am

Թափուր աշխատատեղեր (Հղումներ դեպի այլ կայքեր)

ADMIN-S — Thu, 05 Sep 2024 09:03:31 GMT

Թափուր աշխատատեղեր » ԲԱՆԿԵՐ

"ԱԿԲԱ-ԿՐԵԴԻՏ ԱԳՐԻԿՈԼ ԲԱՆԿ" ՓԲԸ
"ԱՄԵՐԻԱԲԱՆԿ" ՓԲԸ
"ԱՆԵԼԻՔ ԲԱՆԿ" ՓԲԸ
"ԱՌԷԿՍԻՄԲԱՆԿ" ՓԲԸ
"ԱՐԱՐԱՏԲԱՆԿ" ԲԲԸ
"ԱՐԴՇԻՆԻՆՎԵՍՏԲԱՆԿ" ՓԲԸ
"ԱՐՄՍՎԻՍԲԱՆԿ" ՓԲԸ
"ԱՐՑԱԽԲԱՆԿ" ՓԲԸ
"ԲԻԲԼՈՍ ԲԱՆԿ ԱՐՄԵՆԻԱ" ՓԲԸ
"ԲՏԱ ԲԱՆԿ" ՓԲԸ
"ԶԱՐԳԱՑՄԱՆ ՀԱՅԿԱԿԱՆ ԲԱՆԿ" ԲԲԸ
"ԷՅՉ-ԷՍ-ԲԻ-ՍԻ ԲԱՆԿ ՀԱՅԱՍՏԱՆ" ՓԲԸ
"ԻՆԵԿՈԲԱՆԿ" ՓԲԸ
"ԿՈՆՎԵՐՍ ԲԱՆԿ" ՓԲԸ
"ՀԱՅԲԻԶՆԵՍԲԱՆԿ" ՓԲԸ
"ՀԱՅԷԿՈՆՈՄԲԱՆԿ" ԲԲԸ
"ՄԵԼԼԱԹ ԲԱՆԿ" ՓԲԸ
"ՅՈՒՆԻԲԱՆԿ" ՓԲԸ
"ՊՐՈԿՐԵԴԻՏ ԲԱՆԿ" ՓԲԸ
"ՊՐՈՄԵԹԵՅ ԲԱՆԿ" ՍՊԸ
"ՎՏԲ-ՀԱՅԱՍՏԱՆ ԲԱՆԿ" ՓԲԸ

4. Հանդիպում հարցազրուցավարի կամ նրանց խմբի հետ

ADMIN-S — Wed, 19 Dec 2012 10:33:55 GMT

Հարցազրույցի նպատակն է պարզել` արդյո՞ք դուք լավագույն անձն եք տվյալ գործի համար: Հարցազրույցը սովորաբար մեկ զրուցավար է անցկացնում, սակայն պատրաստ եղեք հանդիպելու մի ամբողջ խմբի:
Հարցազրույցի ժամանակ ձեզ ավելի վստահ կզգաք, եթե արդեն նման փորձ ունեք: Նույնիսկ ավելի լավ կլինի, եթե այդ փորձը համադրեք այն տեղեկությունների հետ, որը հավաքել եք գործի և գործատուի մասին:
Ճանաչու՞մ եք որևէ մեկին, որ կապ ունի ձեզ հետաքրքրող կազմակերպության հետ` այնտեղ է աշխատում, նրան ապրանք է վաճառում կամ ծառայություններ մատուցում, ենթակապալառու է կամ այնտեղ աշխատող որդի կամ դուստր ունի և այլ: Տեսե՛ք, կարո՞ք եք ավելի շատ տեղեկություն ստանալ նրանից: Ներքին անցուդարձին տեղյակ յուրաքանչյուր ոք կարող է օգնել, որ դուք փայլեք հարցազրույցի ժամանակ:
Կազմակերպության մասին տեղեկություն հավաքելու համար օգտագործեք բոլոր հնարավոր աղբյուրները` կազմակերպության տեղեկագրերը, հանրային գրադարանը և այլն: Տարբեր տարեկան տեղեկագրքերում սովորաբար տպագրվում են ընկերությունների անունները, հասցեներն ու հեռախոսահամարները, նրանց ղեկավարների անունները, թվարկում են գործունեության ոլորտները, ապրանքներն ու ծառայությունները և այլ: Աչքի անցկացնելով տեղական մամուլը` կարող եք իմանալ` կազմակերպության գործունեությունը լրատվության մեջ լուսաբանվե՞լ է, թե՞ ոչ: Հանրային ընկերության տարեկան հաշվետվությունը ցույց է տալիս նրա ֆինանսական վիճակը, ինչպես նաև շահերի սփռվածքն ու շահութաբերությունը:

Փորձնական հարցազրույց
Դիմեք ձեր ընկերոջը, որ ձեզ հետ փորձնական հարցազրույց անցկացնի: Բազմիցս կրկնեք այն մասերը, որոնք, ըստ նրա կարծիքի, ամենաթույլն են:
Եթե գործը, որին ձգտում եք, շատ լավն է, ապա կարող եք դիմել մասնագետ խորհրդատուի օգնությանը: Նա խորհուրդ կտա, թե ձեր կերպարն ինչպես ներկայացնել, և ձեզ հետ փորձնական հարցազրույցներ կանցկացնի:

Հաղորդակցման ունակություն
Որոշ աշխատատեղերի համար կարևոր է հաղորդակցվելու ունակությունը: Դուք լրացուցիչ միավորներ կշահեք, եթե կարողանաք.

հեշտությամբ շփվել մարդկանց հետ,

սկսել խոսակցությունը,

պատասխանել վստահությամբ,

լավ արտահայտել սեփական մտքերը:
Այս բոլոր ունակությունները մեծ դեր են խաղում ձեր թողած ընդհանուր տպավորության մեջ:

Ողջունելը
Ընդունարանից ձեզ հավանաբար ներս կտանի հարցազրուցավարը կամ նրա օգնականը: Բարևելիս նա միգուցե սեղմի ձեր ձեռքը: Պատասխանեք ամուր, սակայն ոչ շատ ուժգին ձեռքսեղմումով:
Եթե ձեզ ասում են, որ ինքներդ գնաք հարցազրուցի սենյակ` "Գնացեք դեպի միջանցքի ձախ կողմի երկրորդ դուռը", ապա համարձակորեն բախեք դուռը և հետո միայն ներս մտեք:
Նստեք միայն այն դեպքում, երբ առաջարկեն: Եթե ձեր աչքերին ուժեղ լույս է ընկնում, ապա աթոռը փոքր-ինչ տեղաշարժեք, որ ավելի հարմար լինի: Հարցազրույցի ժամանակ կաշկանդված մի եղեք, բայց և խուսափեք կտրուկ շարժումներ անելուց:
Եթե սենյակում երկու հոգի են, բայց հարցազրույցը վարում է միայն մեկը, փորձեք երկուսի հետ էլ հայացքներ փոխանակել:

Մարմնի լեզուն
Կարևոր է հարցազրույցի ամբողջ ընթացքում իմացունակ և հետաքրքրված տեսք ունենալ: Աթոռին նստեք թեթևակի առաջ թեքված դիրքով: Ձեռքերի շարժումները պետք է բնական լինեն, սակայն ձեռքերով ձեզ մի գրկեք: դա այնպիսի տպավորություն է թողնում` կարծես թե ինչ-որ բան եք թաքցնում: Հետաքրքրություն արտահայտեք, նույնիսկ` եթե առաջարկվող գործը ձանձրալի է թվում կամ էլ բնավ ձեր ուզածը չէ: Պարզեք ամեն ինչ, երբ կգա հարցեր տալու ձեր հերթը:

Ո՞վ է անցկացնելու հարցազրույցը
Այս հարցազրույցը կարող է միակը լինել կամ առաջինը` երկու և ավելի հարցազրույցներից: Կախված հարցազրույցների կառուցվածքից` դրանք կարող են անցկացնել հետևյալ անձից որևէ մեկը.

ապագա գործատուն կամ վերադասը,

աշխատակազմի ղեկավարը,

բաժնի վարիչը,

երկու կամ ավելի (մինչև ութ) անձանցից բաղկացած խորհուրդը

աշխատողը, ում փոխարինելու եք

աշխատանքի տեղավորման գործակալության աշխատողը:
Հնարավոր է, որ նույն օրը երկու հարցազրույց ունենաք, առաջինը` աշխատակազմի բաժնի ղեկավարի, երկրորդը` բաժնի վարիչի հետ, եթե առաջինը հաջող է անցել: Հավանաբար, թեկնածուներին կտեղակարգի բաժնի վարիչը, և աշխատատեղը կառաջարկվի առաջին թեկնածուին, իսկ մյուսները հերթի կդրվեն, մինչև որ առաջին թեկնածուն ընդունի կամ մերժի այդ առաջարկությունը: Եթե առաջինը մերժում է, ապա առաջարկութուն է արվում երկրորդ թեկնածուին:
երբեմն առաջին հարցազրույցը գործատուի փոխարեն անցկացնում է աշխատանքի տեղավորման մասնագիտացված գործակալությունը: Այս նախնական հարցազրույցն ավելի անաչառ է լինում, իսկ ձեր ինքնակենսագրությունը և դիմումի ձևաթերթն ուսումնասիրվում են ավելի հանգամանորեն: Հարցեր տալուց հետո նրանք միայն այն դեպքում են գործատուին հայտնում ձեր անունը, երբ պատասխանները լիովին բավարար են: Այնուհետև գործատուն հարցազրույց է անցկացնում արդեն վերջնական ցուցակում ընդգրկվածների հետ: Հարցերը, որ դուք կցանկանայիք տալ, հետաձգեք մինչև այս երկրորդ հարցազրույցը, քանզի գործակալությունը կամ չգիտե պատասխանը կամ լիազորված չէ բացահայտելու մանրամասները:
Գործակալությունն աշխատում է բազմաթիվ գործատուների համար: Ուստի, եթե լավ տպավորություն թողնեք, ապա շատ հավանական է, որ այնտեղ կգրանցեն ձեր տվյալները, որպեսզի հետագայում դրանք օգտագործեն համապատասխան բարձր պաշտոնի առաջարկ ունենալու դեպքում:
Աշխատանքի տեղավորման ոչ մասնագիտացված գործակալություններն այդքան մեծ վստահություն չեն վայելում: Նրանց ընտրած թեկնածուների հետ մանրակրկիտ հարցազրույց է անցկացնում գործատուն:

Հարցազրույցը
Ձեզ հետ մի քանի ընդհանուր բնույթի խոսք փոխանակելով, որպեսզի ձեզ ավելի անկաշկանդ զգաք, միգուցե ձեզ սուրճ առաջարկեն: Ընդունեք առաջարկը, եթե այնքան լավ եք տիրապետում ձեր նյարդերին, որ կարող եք ըմպել առանց թափելու կամ գավաթն ափսեին չրխկոցով դնելու: Հավանական է, որ հրաժարվելիս անվստահ մարդու տպավորութուն ստեղծեք: Որոշեք ինքներդ: Ամեն դեպքում մի՛ ծխեք, ծամոն մի՛ ծամեք, քաղցրավենիք մի՛ կերեք: Նախազգուշացումը կարող է ավելորդ թվալ, սակայն հարցազուցավարները նման զարմանալի դեպքերի ականատես են եղել:

Ներածական խոսակցությունը կարող է լինել հետևյալի մասին`
"Ինչպե՞ս տեղ հասաք":
"Այսօր ուղևորության համար բարենպաստ եղանակ չէ, ճանապարհին խցանումներ եղա՞ն":
Երկար պատասխաններ չեն ակնկալվում: Ժպտացեք և հստակորեն պատասխանեք:

Սուրճն ըմպելուց հետո ափսեն ու գավաթը զգուշությամբ դրեք սեղանին: Հարցազրուցավարը պետք է ձեզ պատմի կազմակերպության և առաջարկվող գործի մասին, նկարագրի հիմնական դրույթներն ու պայմանները, ինչպես նաև` առաջ քաշման հնարավորությունները: Հնարավոր է, որ ձեզ շենքում ման տան:
Կարող է պատահել, որ դիմորդը հարցազրույցին ավելի վարժված լինի, քան գործատուն. առաջինը` մեծ փորձի, իսկ վերջինը` դրա պակասության պատճառով: Հավանաբար, նման հարցազրույցի կառուցվածքը խստորեն սահմանված չի լինի, և դուք կարող եք ընթացքն ուղղորդել` պարզապես նստելու և բարեկամաբար զրուցելու փոխարեն, որի ժամանակ քիչ բան կիմանաք: Եթե օժտվա եք բնատուր ինքնավստահությամբ, ապա զգուշացեք, որ այն որպես մեծամտություն կամ ինքնագոհություն չընկալվի: Ընկերության որոշ աշխատողներ կարող են դա ընկալել իբրև սպառնալիք իրենց դիրքին: Մարդիկ չեն սիրում ենթարկվել նորեկներին:

Հարցազրույց խմբի հետ
Եթե պատրաստ չեք հանդիպելու երկուսից ավելի զրուցավարների, ապա այսպիսի հարցազրույցը կարող է ձեզ հանկարծակիի բերել: Նման հարցազրույցները հաճախակի են կիրառվում կրթության, բժշկության, զինված ուժերի և հանրային ծառայությունների ոլորտներում և հետզհետե սկսել են ավելի հաճախ կիրառել գործարարության մեջ, նույնիսկ` եթե հարցազրույցը բարձր պաշտոնի համար չէ: Մի՛ վախեցեք:
Հարցազրույցը կարող է ղեկավարել խմբի անդամներից մեկը, սակայն մյուսները նախօրոք ծանոթացած կլինեն ձեր ինքնակենսագրությանը և իրենց հերթին կարող են հարցեր տալ: Կձեռնարկվի ձեր ինքնակենսագրության և դիմումի ավելի մանրամասն ուսումնասիրությունը: Նստեք ուղիղ և հայացքն ուղղեք ձեզ դիմող զրուցավարին, սակայն փորձեք պատասխանել ոչ միայն նրան, ով հարց է տվել: Թող ձեր հայացքը սահի մեկից մյուսը` կանգ առնելով յուրաքանչյուրի վրա:
Հաճախ է լինում, որ խմբի անդամները վարժված հարցազրուցավարներ չեն, թեև ոմանք շատ հարցեր են տալիս: Թեկնածուն կարող է տուժել ոչ պատշաճ հարցի պատճառով: Մի նախագահ հարցազրույցն սկսել էր` հարցնելով. "Որքա՞ն աշխատավարձ եք ակնկալում": Թեկնածուն գիտեր, որ մինչ այս հարցը տալը նախ անհրաժեշտ էր գործը նկարագրել, իսկ աշխատավարձի սահմանները կարող էին նշվել հայտարարության մեջ կամ պաշտոնը զբաղեցնելու առաջարկությունն անելիս: Դուք պետք է պատրաստ լինեք նման հարցերի:
Նրանք հարցեր կտան ձեր ինքնակենսագրության վերաբերյալ և որոշ բաներ պարզաբանելու համար` երբեմն ճշմարտությունը, անկեղծությունը կամ չափազանցությունը ստուգելու նպատակով: Խմբի անդամներից մեկը միգուցե եղել է ձեր դպրոցում կամ վարժարանում, ավարտել է ձեր համալսարանը, ծանոթ է ձեր նախկին գործադիր տնօրենին կամ նախկին աշխատակիցներից որևէ մեկի հետ: Եթե հարցազրուցյը դրական արդյունք ունենա, նրանք, թերևս, հետագայում կզանգահարեն այդ ծանոթներին` ձեր մասին "ներքին"
տեղեկություններ ստանալու համար: Դա հատկապես վերաբերվում է որոշակի մասնագիտությունների և գործարարությունների:
Երբեմն խորհուրդը բոլորովին չի անրադառնում ձեր ինքնակենսագրությանը, և դա նույնիսկ տեղիք է տալիս կասկածի արդյո՞ք կարդացել են այն: Միանգամայն հնարավոր է, որ նրանք արդեն կատարել են թեկնածուի ընտրությունը և պարզապես ժամանակ են սպանում, քանի որ ըստ կանոնների պահանջվում է թափուր տեղի մասին հայտարարություն հրապարակել և մի քանի հարցազրույց անցկացնել: դա անհնար է ապացուցել, կարող եք միայն կասկածել: Օգտագործեք նման հարցազրույցը փորձ ձեռք բերելու համար:

Խտրականություն և նախապատվություն
Օրենքը նպատակ ունի կանխելու ցեղի, սեռի, հաշմանդամության, կրոնի վրա հիմնված խտրականությունը:
Հարցազրուցավարների տրված հարցերը չպետք է նպատակաուղղված լինեն դիմորդների որևէ խմբի անբարենպաստ վիճակի բացահայտմանը: Սակայն եթե դուք մայր եք, որը երեխաներին մեծացնելուց հետո աշխատանքի է վերադառնում, ապա ամենայն հավանականությամբ հասկանում եք` հարցազրուցավարին ապացույցներ են պետք, որ դուք կանխապես հոգացել եք դպրոցական արձակուրդների և արտակարգ իրավիճակների մասին: Ներկայացրեք այդ ապացույցները` չսպասելով, որ պահանջեն, թեև պարզ է` նույն հարցով ձեր ամուսնուն չեն դիմի:
Աշխատողին հավասար հնարավորություններ ընձեռող գործատուն ավելի մեծ կարևորություն է տալիս ձեր վերաբերմունքին և բարձր է գնահատում այն թեկնածուին, որն ավելի լավ կաշխատի որպես անձախմբի անդամ: Նման գործատուի կարծիքով` ունակությունների ու փորձի ստուգումը պակաս կարևոր է, քանի որ գործի հանդեպ ճիշտ վերաբերմունք ունեցողին հնարավոր է սովորեցնել աշխատանքի ընթացքում:

Ինչպես ինքնուրույն ընդունվել աշխատանքի

ADMIN-S — Sun, 11 Nov 2012 19:24:04 GMT

Այսօր աշխատանք ունենալու և աշխատանքի շուկայում մրցունակ լինելու համար քաղաքացիներից պահանջվում է ակտիվություն և լրացուցիչ գիտելիքներ, ինչպես օրինակ ինքնուրույնաբար աշխատանքի որոնման, բաց մրցույթի և հարցազրույց անցնելու հմտությունները:

Ինքնուրույնաբար աշխատանքի որոնման համար կարող եք`

դիմել աշխատանքի տեղավորման մասնավոր գործակալություններին
հետևել լրատվամիջոցների հայտարարություններին /հեռուստաալիքներ, "Գինդ" թերթը, ռադիո/
հետևել կայքերին
Քաղաքացիական ծառայության խորհրդի կողմից վերջիններիս կայքում և լրագրում տեղադրված հայտարարություններին
համապատասխան կայքերում և Ձեզ հետաքրքրող կազմակերպություններին ու ձեռնարկություններին ուղարկեք հայտարարություն Ձեր ցանկության մասին
անձամբ այցելեք գործատուներին աշխատանքի որոնման նախաձեռնությամբ, չմոռանալով նախապատրաստվել այդ հանդիպումներին Ձեր հմտություններն ու կարողությունները լավագույնս ներկայացնելու համար:

Բաց մրցույթները թույլ են տալիս դիտողների մեծ շրջանակից ընտրել անհրաժեշտ աշխատողներին, իսկ կանոնակարգված հարցազրույցը նվազեցնում է սխալ ընտրության հավանականությունը: Ուստի արտասահմանյան և միջազգային ընկերությունները աշխատանքի չեն ընդունում առանց հարցազրույցի: Հայաստանի շատ կազմակերպություններ ևս նոր աշխատողներ ընդունելիս կիրառում են բաց մրցույթի և հարցազրույցի անցկացման ընթացակարգերը:
Ամեն մի գործատու ունի հավաքագրման, այսինքն աշխատողներ վարձելու իր եղանակները և նախապես դժվար է իմանալ, թե զրուցավարն ինչպես է կազմակերպելու հարցազրույցը: Այստեղ նկարագրված են սովորաբար կիրառվող ընթացակարգերը: Յուրաքանչյուր կազմակերպություն դրանցից ընտրում և կազմում է սեփական ընթացակարգը:

Ինչ պետք է անել

Եկեք ժամանակին
Ունեցեք վայելուչ ու խնամված տեսք
Լավ պատրաստվեք
Ընդունեք հետաքրքրված ու իմացունակ տեսք
Եղեք այնպիսին, ինչպիսին որ կայք
Եղեք ազնիվ
Լսեք ուշադիր
Արտահայտվեք
Միշտ քաղաքավարի եղեք
Ժպտացեք ամեն մի առիթով
Կարողացեք մատուցել ձեզ

Ինչ չի կարելի անել

Մի ուշացեք
Մի մատնվեք խուճապի
Մի կռացեք, երբ նստած եք աթոռին
Մի ֆսֆսացրեք
Մի խոսեք քթի տակ
Մի ստեք, բայց և կամովին մի հաղորդեք ձեզ վնասող տեղեկությունը
Մի թերագնահատեք ձեզ
Մի վիճեք
Մինչև ձեզ գործուղում առաջարկելը մի հարցրեք դրա ծախսերի մասին
Դերասանություն մի արեք

3. Ներկայացեք ժամանակին

ADMIN-S — Mon, 20 Jun 2011 09:23:02 GMT

Ուսանողների առաջին հարցազրույցը կարող է տեղի ունենալ իրենց համալսարանի տարածքում: Այս գլուխը հասցեագրված է այն անձանց, ովքեր պետք է հարցազրույց անցնեն անծանոթ միջավայրում: Ձեզ նախապես գրավոր կտեղեկացնեն հարցազրույցի օրվա և ժամի մասին: ՈՒստի, ձեզ սպասելու են: Եթե հարցազրույցի չեք ներկայանալու, ապա հարկավոր է զանգահարել` բացատրություն տալու և ներողություն խնդրելու համար: Երբեք մի ուշացեք: Դա ձեր մասին վատ կարծիք է ստեղծում հարցազրույց վարողի մոտ: Դուք խախտում եք նրա ժամանակացույցը, և ձեր մեկնարկը սկիզբից ևեթ անցնում է անբարենպաստ պայմաններում:

Նախորդ երեկոյան
> Նախապատրաստեք ձեր հագուստը
> Նախապատրաստեք ձեր պայուսակը
> Մի մասնակցեք խնջույքի
> Լարեք երկու զարթուցչի զանգերը, մեկը կարող է չաշխատել
> Լավ քնեք գիշերը:

Նախապես փորձարկեք ճանապարհը
Միշտ ջանացեք 10 րոպե շուտ տեղ հասնել: Ավելին ցանկալի չէ: Բոլորս գիտենք, որ մետրոյի գնացքը կարող է ուշանալ, իսկ երթևուկությունը` խցանվել: Շատ անախորժություններից կարելի է խուսափել` նախապես փորձելով անցնել նույն ճանապարհը, եթե ժամանակը ներում է: Զանգահարեք և հարցազրույցավարին հարցրեք, թե որն է ավտոբուսի մոտակա կանգառը կամ կայանավայրը, եթե այս տեղեկությունները բացակայում էին հայտարարության մեջ:

Եթե գնում եք ոտքով - Նախապես ոտքով անցեք ճանապարհը` նշելով ժամանակը: Գտեք շենքի ճիշտ մուտքը:

Եթե գնում եք ավտոբուսով - Նախապես փորձնական ուղեվորություն կատարեք` նշելով ժամանակը և որոշելով կանգառը, որտեղ պետք է իջնեք: Այլապես, շատ ուշ կամ շատ շուտ իջնելու դեպքում ստիպված կլինեք երկար վազել:

Եթե գնում եք մետրոյով - Ստուգեք գնացքի ժամանակացույցը և հաշվի առեք մետրոյի ուշանալու հնարավորությունը:

Եթե գնում եք ինքնաշարժով - Համոզվեք, որ
> գիտեք ճանապարհը
> վառելիքը բավարար է
> գիտեք ճանապարհին վերաբերող տեղեկույթը` կարևոր անձի այցելության պատճառով փակ է լինելու, ձյուն է գալու, սառցապատ է և այլն:

Եթե գալիս եք շրջանից - Եթե գիշերելու կարիք կա, իսկ քաղաքը ձեզ անծանոթ է, ապա անհրաժեշտ է տեղեկանալ մանրամասներին և ամեն ինչի մասին նախապես հոգալ` որտեղ եք քնելու, սնվելու և այլն:

Հանդիպում քարտուղարի հետ
Հարցազրուցավարը հաճախ քարտուղարից հարցնում է, թե այս կամ այն այցելուն նրա վրա ինչ տպավորություն է թողել: Բարեկամաբար ողջունեք քարտուղարին, դա կօգնի, որ նրա հիշողության մեջ մնաք: Հիշողության մեջ կմնաք նաև բարկացած տեսքի, սխտորի, ծխախոտի, քրտինքի կամ ալկոհոլի ուժեղ հոտի պատճառով: ՈՒստի, խուսափեք այդ ամենից:
Կարող է ձեզնից պահանջեն, որ գրանցվեք, և կրցքին ամրացնելու անցագիր տան:
"Բարև ձեզ, ես Կարինե Հարությունյանն (Տիգրան Հայրյանն) եմ: 11:15 հանդիպում ունեմ պարոն\տիկին Սերոբյանի հատ":
Զուգարանում ձեզ կարգի բերելուց հետո համոզվեք, որ պատշաճ տեսք ունեք: Նայեք` արդյոք ձեր վրա ջրի հետքեր չեն մնացել, եթե անձրև էր գալիս: Մի քանի անգամ խոր շունչ առեք ու հանդարտեք:
Քարտուղարի հետ զրուցեք, միայն` եթե նա զբաղված չէ և հակված է խոսելու:
Չարժե նույն առավոտյան կամ կեսօրից հետո մեկից ավելի կազմակերպության հարցազրույցի մասնակցել, որովհետև.
> Հարցազրույցը կարող է ձգձգվել (այդ դեպքում ձեզ, թերևս, թեթև ըմպելիք առաջարկեն)
> Եթե հարցազրույցը հաջող անցնեք, հնարավոր է որ ձեզ անմիջապես հրավիրեն երկրորդ հանդիպմանը կամ փորձաստուգում հանձնելու:

Սպասելու ժամանակն օգտագործեք նախապատրաստվելու համար.
> Վերանայեք ձեր դիմումը և ինքնակենսագրությունը
> Ուսումնասիրեք պատին փակցված թերթերը և ցուցափեղկերը, որոնք լրացուցիչ տեղեկություններ կտան կազմակերպության մասին
> Կարդացեք ընկերության մասին գրականությունը, որը դրված է այցելուների համար
> Ուսումնասիրեք անցուդարձ անողներին
> Ականջ դրեք քարտուղարին,արդյոք այս կազմակերպությունը այն վայրն է, որտեղ կցանկանայիք աշխատել
> Խոր շնչեք, որպեսզի հանգստություն պահպանեք:

Եթե քարտուղարը ձեզ չի առաջարկում, որ վերարկուն թողնեք ընդունարանում, ապա ներս մտնելիս վերցրեք ձեզ հետ: Այժմ պատրաստ եք ներկայանալ հարցազրուցավարին:

2. Ինչ վերցնել ձեզ հետ

ADMIN-S — Mon, 09 May 2011 11:08:16 GMT

Խուսափեք ավելորդ իրերից: Ըստ անհրաժեշտության վերցրեք ստորև նշվածից որևէ մեկը` ձեռքի պայուսակ, նմուշների պայուսակ, գործիքների արկղիկ կամ թղթապանակ: Ավելին պետք չէ: Ձեր ձեռքերից մեկը պետք է ազատ լինի: Ամեն ինչ պատրաստեք նախորդ երեկոյան:
Պահել եք դիմումի հետ ուղարկված բոլոր փաստաթղթերի պատճենները.

ինքնակենսագրությունը
դիմումի լրացված ձևաթերթը
ուղեկցող նամակը:

Ձեզ հետ վերցրեք նաև կազմակերպության տված հայտարարությունը աշխատանքի մասին կամ հայտարարված գործի նկարագրությունը:

Չմոռանաք ձեզ հետ վերցնել գործատուի հասցեն և հեռախոսի համարը /ճանապարհին կարող է զանգահարելու անհրաժեշտություն ծագել/, ծոցատետր և գրիչ /հարցարույցի ժամանակ անհրաժեշտության դեպքում գրառումներ կատարելու համար/:

Ձեր գիտելիքների և ունակությունների ապացույցները /դիպլոմներ, հավաստագրեր, հնարավորության դեպքում ձեր աշխատանքների նմուշները.../ պահանջելու դպքում դրանք ցույց տվեք զրուցավարին: Երբ հարց տան ձեր աշխատաքի մասին, ասացեք. "Ես այստեղ մի քանի նմուշ ունեմ, միգուցե կցանկանայիք տեսնել":

Եթե հարցազրույցի օրն անձրև է գալիս, ապա ձեր հետ վերցրեք նաև մուգ գույնի պոլիէթիլենի տոպրակ: Տեղ հասնելուն պես թաց հովանոցը մեջը դրեք: Տոպրակը կարելի է վերարկուի հտ կախել նույն կախիչից:

1. Լավ տեսք ունեցեք

ADMIN-S — Mon, 09 May 2011 11:05:16 GMT

Առաջին լավ տպավորությունը լավագույն սկիզբ է: Եթե ձեր արտաքին տեսքը հարցազրուցավարին դուր գա, ապա համարեք, որ արդեն միավորներ եք շահել: Խնամված ու վայելուչ տեսքն առաջին իսկ րոպեից շահեկան է:

Նախապատրաստում
Հարցազրույցի նախորդ երեկոյան ստուգեք ձեր հագուստը /գույնը, տեսքը, կոճակների առկայությունը, մաքուր ու արդուկած լինելը/, կոշիկները, մազերը /կարիք կա լվանալու/, մատների եղունգները:

Շահեկան հագնվածք

Սպիտակ վերնաշապիկ կամ բլուզ

սև կոշիկներ` տղամարդկանց համար, սև, միջին բարձրության կրունկներով կոշիկներ` կանանց համար:

Գեր մարդիկ պետք է կրեն այնպիսի հագուստ, որով ավելի բարեկազմ են թվում, օրինակ բաճկոնակ կամ բլուզ: Նիհարնեը պետք է ջանան ավելի խոշոր երևալ: Ոչ մի գործատու չի ցանկանա աշխատանքի ընդունել հիվանդագին տեսք ունեցողին: Ինքներդ ընտրեք` ինչ հագնել: Որոշ կազմակերպություններում աշխատողի կերպարն ընկերության մշակույթի անբաժանելի մասն է... Եթե հարցազրույց եք անելու մինչ այդ տղամարդ աշխատողներ նախընտրող կազմակերպությունում կամ էլ` տղամարդու մասնագիտության համար, ապա ցանկալի է, որ կանայք կիսաշրջազգեստ հագնեն: Հարցազրուցավարը կարող է տաբատն ընկալել` որպես տղամարդկանց վրա իշխելու հավակնություն:

Օգտագործեք անուշաբույր օծանելիք, բայց ամենաթույլ բուրմունքով: Այն, ինչը մեկին հաճելի է, մյուսին կարող է տհաճ լինել:

Ձեր խոսելու և քայլելու ձևը հարցազրուցավարի և քարտուղարի վրա թողած տպավորության մի մասն է: Վստահ պահվածքը վստահություն կներշնչի, անգամ եթե ներքուստ դողում եք վախից: Ձեզ այնպես պահեք, որ ներս մտնելիս ուշադրություն գրավեք: Կանգնեք շիտակ, ձեռքերը գրպաններից դուրս և մոտեցեք վստահ քայլերով: Դուք պետք է մնաք հարցազրուցավարի հիշողության մեջ: