ԱրմԷկո.am

Հետաքրքիր տեղեկատվություն

ADMIN-S — Sat, 08 Nov 2014 05:20:15 GMT

Ամերիկացի գիտնականները հաշվել են, որ երկիր մոլորակը կշռում է 5972 պետատոննա: Դա 5972 թիվն է, որին հաջորդում է 18 զրո:
Արեգակի կենտրոնում ջերմությունը հասնում է 14 միլիոն աստիճանի: Արեգակի էներգիայի պաշարը կապահովի նրա գոյությունը ևս 5 միլիարդ տարի:
Կատուներն ու սագերը կարող են դիմանալ մինչև 100C ցրտի:
Մորեխի լսողության կենտրոնը գտնվում է առջևի թաթիկների վրա:
Առյուծը գիշատիչ կենդանիներից ամենամեծն է, բայց ունի ամենափոքր սիրտը:
Բույսերի մեջ ամենաարագը աճում է բամբուկը: Այն օրվա մեջ բարձրանում է մինչև 60 սանտիմետր:
Կոնգո գետը 2 անգամ կտրում-անցնում է հասարակածը:
Քամելեոնը մեկ աչքով կարող է նայել առաջ և վերև, մյուսով` հետ և ներքև:
Շերամն ունի 12 աչք, 9 զույգ ոտք, 2 զույգ ծնոտ:

Տնտեսություն, տնտեսագիտություն...

ADMIN-S — Sat, 16 Nov 2013 11:01:25 GMT

Գիտե՞ք դուք արդյոք...

... որ Նուրիել Ռուբինիին (ծ. է 1959, մարտի 29 — ամերիկյան տնտեսագետ, Նյու Յորքի համալսարանի տնտեսագիտության պրոֆեսոր, գլոբալ ֆինանսների գծով ազդեցիկ փորձագետ) Forbes–ը 2010թ.-ի աշնանը ճանաչել է որպես աշխարհի ամենաազդեցիկ տնտեսագետ։ Նա դեռևս 2005-2006թթ.-ին կանխատեսել էր ֆինանսատնտեսական ճգնաժամը:

․․․ որ «Գրանդ քենդի» ընկերության արտադրած 4 տոննա 410 կգ քաշ, 5600 մմ երկարություն, 2750 մմ լայնություն, 250 մմ հաստություն ցուցանիշով հայկական շոկոլադե հսկան 2010թ.-ի սեպտեմբեր ամսին սահմանել է համաշխարհային ռեկորդ և Գինեսի ռեկորդների գրքում գրանցվել որպես աշխարհի ամենամեծ շոկոլադե սալիկը:

Մեր երկիր մոլորակը

ArmEco — Sun, 11 Aug 2013 07:42:57 GMT

Երկիրը արեգակնային համակարգի մոլորակ է, առաջացել է 4-5 միլիարդ տարի առաջ:
Ցամաքը երկրի 2,92 տոկոսն է (149.1 միլիոն քառ. կմ), օվկիանոսը` 70.8 տոկոսը (361.1 միլիոն քառ. կմ):
Մայր ցամաքները`

Եվրասիա

Աֆրիա

Հս. Ամերիկա

Հվ. Ամերիկա

Անտարկտիդա

Ավստրակիա (Օվկիանայով)

Երկիրը արեգակի զանգվածի 1/330000 -րդ մասն է, արեգակից հեռավորությամբ երրորդն է, իսկ չափերով ու զանգվածով՝ հինգերորդը:: Երկիրն իր առանցքի շուրջը պտտվում է 23 ժ. 56ր. 4.09 վայրկյանում, իսկ արեգակի շուրջը` 365.25 օրում (29.765 կմ/վրկ արագությամբ): Երկիրն արեգակից հեռու է 149.6 միլիոն կմ:

Երկիրն ունի մեկ բնական արբանյակ՝ Լուսինը: Նրա շուրջը ներկայումս պտտվում են նաև բազմաթիվ արհեստական արբանյակներ: Լուսինը երկրից հեռու է 384400 կմ, լուսնի զանգվածը երկրի զանգվածի 1/81 -րդ մասն է:

Արեգակը լուսնից մեծ է 30 մլն անգամ:
Երկրի հասարակածի երկարությունը 40075.696 կմ է:
Շառավիղը հասարակածում` 6378.160 կմ է:
Երկրի վրա մարդը երևան է եկել 2 մլն տարի առաջ:
Երկրի վրա կա կենդանիների և բույսերի մոտ 2 մլն տեսակ: Կենդանիների մեջ շատ են միջատները` 750000 տեսակ:
Երկրագնդի վրա օդի ամենաբարձր ջերմաստիճանը` +68 ^օC, նկատվել է Հյուսիսային Աֆրիկայի Տրիպոլիի շրջանում, ամենացածր ջերմաստիճանը` -88 ^օC, Անտարկտիդայում:
Ամենաքիչ տեղումները լինում են Եգիպտոսի Դախլա, Չիլիի Իկիկե վայրերում: Ամենաշատ տեղումները նկատվել են Հնդկաստանի Չերափունջի (10854 մմ) և Դեփունջա (9655 մմ) վայրերում:

Երկիրը ճշգրիտ գնդաձև չէ: Այն բևեռներում սեղմված է, իսկ հասարակածում՝ ուռած, այնպես որ նրա շառավիղը բևեռներում 43 կմ-ով փոքր է հասարակածային շառավղից: Երկրի գնդաձևության մասին առաջինը կարծիք է հայտնել հին հույն գիտնական Պյութագորասը (մ. թ. ա. IV դար): Այդ եզրակացությանը նա հանգել է, երբ, դիտելով նավերի հայտնվելը հորիզոնում, նկատել է, որ սկզբից երևում է նավի կայմը, իսկ նավախելը` երբ նավն ավելի է մոտենում ափին:

Երկրի արտաքին կարծր թաղանթը կոչվում է երկրակեղև: Նրա հաստությունը ցամաքում 30–70 կմ է, օվկիանոսների հատակին՝ 5–10 կմ: Երկրակեղևի տակ` մինչև 3000 կմ խորությունը, տարածվում է միջնապատյանը, իսկ ավելի խորը, մինչև Երկրի կենտրոնը, միջուկն է: Որքան ավելի խորն են դասավորված ապարները, նրանք այնքան ավելի ամուր են ու տաք: Գիտնականները ենթադրում են, որ միջնապատյանը կարծր է ու շիկացած, իսկ Երկրի միջուկը կազմված է հալված երկաթից:

Երկրակեղևը և վերին միջնապատյանը միասին կոչվում են քարոլորտ: Իսկ օվկիանոսներն ու ծովերը, լճերը, գետերն ու ստորերկրյա ջրերն առաջացնում են ջրոլորտը՝ Երկրի ջրային թաղանթը:

Երկրի օդային թաղանթը կոչվում է մթնոլորտ: Այն կազմված է հիմնականում ազոտից (78%) և թթվածնից (21%):

Երկրի բոլոր կենդանի օրգանիզմները (միկրոօրգանիզմները, բույսերը, կենդանիները, մարդիկ) կազմում են Երկրի կենսոլորտը: Ներկայիս կենսոլորտը կազմավորվել է միլիարդավոր տարիների զարգացման ընթացքի՝ էվոլյուցիայի հետևանքով: Կենսոլորտը հսկայական դեր է խաղում մարդկության կյանքում: Բույսերը մթնոլորտը հագեցնում են թթվածնով և կենդանիների հետ միասին մարդու սնունդն են: Մարդը պետք է խելամիտ օգտագործի բնական հարստությունները, այսինքն՝ բնությանը պետք է հնարավորություն տա վերականգնվելու, լրացնելու իր իսկ վերցրածը:

Զարմանալի թվեր

ADMIN-S — Fri, 19 Jul 2013 16:46:35 GMT

Բազմապատկում 5-ով

Ամերիկացի դպրոցական, 10 տարեկան Կոլիկա Սմիթը առաջարկել է 5-ով բազմապատկելու եղանակ, որն արդեն կիրառվում է ԱՄՆ-ի դպրոցներում:
Հինգով բազմապատկելիս զույգ թիվը պետք է կիսել և վերջում ավելացնել զրո: Կստացվի ճիշտ պատասխան: Օրինակ, 148-ը պետք է բազմապատկել 5-ով: Թիվը կիսվում է` 74, վերջում ավելացվում է զրո, ստացվում է 740:
Նույնն օրինաչափությունն է նաև կենտ թվերի հետ: Կենտ թվից հանվում է 1, թիվը կիսվում է և վերջում ավելացվում 5: Օրինակ, 149x5-ի դեպքում 149-ից հանել 1, ապա 148-ը բաժանել 2-ի, 74-ին ավելացնել 5, կստացվի 745:

Կրոն, քրիստոնեություն

ADMIN-S — Wed, 26 Dec 2012 07:11:24 GMT

Գիտե՞ք դուք արդյոք...

... որ Աստվածաշունչն առաջին տպագիր գիրքն է աշխարհում՝ 1452-1455 թթ.: Աստվածաշունչը նաև ամենաշատ թարգմանված գիրքն է աշխարհում: Միայն 19-րդ դարում այն թարգմանվեց 400 լեզուներով: 2000 թվականի վերջին Աստվածաշնչի թարգմանված լեզուների թիվն անցավ 1900-ից: Եթե նկատի առնվեն նաև բարբառները, ձայնապնակները, պնակիտները անգրագետների, կույրերի համար, Աստվածաշունչը մատչելի է դառնում 4300 լեզուներով: Տպաքանակով Աստվածաշունչը առաջինն է աշխարհում: 1900թ. 5 մլն Աստվածաշունչ և 7 մլն Նոր Կտակարան է տպագրվել, 2000 թվականին՝ 36 մլն Աստվածաշունչ և 57 մլն Նոր Կտակարան: