 Այս թեստի հեղինակները կարծում են, որ մարդու բնավորությունը կարելի է որոշել ոչ միայն ըստ նրա արարքների, խոսելու ձևի ու ժեստերի: Մեզանից յուրաքանչյուրն ունի իրեն բնութագրող այնպիսի շարժումներ, որոնց մասին չի էլ կասկածում: Դա վերաբերվում է նաև ծիծաղին: Ինչպես դուք ծիծաղեք` բարձրաձայն, կամացուկ, քրքջալով, թե` քահ-քահ, միևնույն է, ձեր ծիծաղը ինչ-որ չափով կբնութագրի ձեզ: Ստորև ներկայացված են ծիծաղելու ամենատարածված "ձևերը": Ընտրեք այդ ցանկում ծիծաղելու ձեր տարբերակը և ավելի շատ բան կիմանաք ոչ միայն ձեր, այլև ձեր սիրելիի բնավորության մասին:
ԿԱՆԱՆՑ ՀԱՄԱՐ - Եթե դուք ծիծաղելիս սովորություն ունեք ճկույթով դիպչել շրթունքներին, ապա դուք քաղաքավարի եք, նրբանկատ ու կանացի: Միշտ և ամենուր հետևում եք քաղաքավարության կանոններին, սիրում եք լինել ուշադրության կենտրոնում:
- Ծիծաղելիս ձեռքով փակում եք բերանը: Եթե այո, ապա դուք մի փոքր երկչոտ եք և այնքան էլ ինքնավստահ չեք: Հաճախ եք ներփակվում և նախընտրում եք, այսպես ասած, ստվերում մնալ: Խորհուրդ. մի տրվեք ավելորդ ինքնաքննադատությանը և ապրեք ավելի թեթև:
- Ծիծաղելու պահին սովորություն ունեք գլուխը ետ գցելու: Դուք դյուրահավատ եք ու վստահող, ունեք լայն մտահորիզոն: Երբեմն անսպասելի արարքներ եք թույլ տալիս` անսալով սեփական ներքին ձայնին կամ զգացմունքներին: Փոխարենը, արժեր առավել հաճախ առաջնորդվել բանականությամբ:
- Եթե ծիծաղելիս կնճռոտում եք քիթը, ապա կարելի է ասել, որ ձեր զգացմունքներն ու հայացքները փոփոխվում են շատ արագ և հաճախակի: Դուք զգացմունքային մարդ եք և ինչ-որ տեղ` քմահաճ: Հեշտությամբ եք տրվում պահի ազդեցությանը, ինչն էլ բարդություններ է ստեղծում ոչ միայն ձեզ, այլև` շրջապատողների համար:
- Ծիծաղում եք բարձրաձայն և լայն բացված բերանով: Անկասկած, դուք տաքարյուն, կրքոտ և շուտ բռնկվող անձնավորություն եք: Քիչ զսպվածությունը ձեզ չէր խանգարի:
- Կամացուկ ծիծաղելուց առաջ կախում եք գլուխը: Ձեզ կարելի է դասել բարեհոգի, անձնուրաց ու նվիրված մարդկանց շարքին: Միաժամանակ` կարողանում եք վերահսկել ձեր զգացմունքներն ու արարքները: Դուք ոչ ոքի անհարկի ու անտեղի չեք նեղացնում կամ վիրավորում:
- Եթե ծիծաղելիս բռնում եք կզակը, ապա դուք, չնայած ձեր տարիքին, ամեն ինչում պահպանում եք երիտասարդական ավյունը: Հավանաբար դա է պատճառը, որ շատ դեպքերում գործում եք առանց երկար-բարակ մտածելու:
- Ծիծաղելու որոշակի "ձև" չունեք: Անտարակույս, դուք պատկանում եք այն մարդկանց թվին, ովքեր ամեն ինչում և մշտապես առաջնորդվում են սեփական կարծիքով ու դատողությամբ` անտեսելով այլոց տեսակետները: Սա, ի դեպ, ձեզ շրջապատողներից շատերին ամենևին էլ դուր չի գալիս:
ՏՂԱՄԱՐԴԿԱՆՑ ՀԱՄԱՐ - Եթե զսպում եք ծիծաղելու կամ քրքջալու ցանկությունը, ապա հավասարակշռված ու զուսպ անձնավորություն եք: Դուք հուսալի և հավատարիմ ընկեր եք, չնայած որ շատ դեպքերում ինքներդ եք զգում աջակցության կարիք: Սիրային հարցերում ևս հավատարիմ եք ու նվիրված:
- Ծիծաղելիս փակում եք աչքերն ու հետ թեքվում: Դուք զվարճանքների սիրահար եք: Ձեզ համար ընկերուհին հարկավոր է միայն այն ժամանակ, երբ ուզում եք ինչ-որ մեկի հետ կիսել ձեր հոգսերը:
- Ծիծաղում եք բարձրաձայն` լայն բացված բերանով: Դուք պատկանում եք այն տղամարդկանց դասին, ովքեր փորձում են կյանքից մաքսիմում հաճույք քաղել: Դուք հիանալի զուգընկեր եք, բայց... միայն հանգստի ժամանակ: Սիրային հարցերում ունեք մի վատ սովորություն` արագ ձանձրանում եք ընկերուհուց և երբեմն կարող եք շատ կոպիտ լինել:
- Ծիծաղելիս ողջ մարմնով ցնցվում եք` ձեռքերը խփելով ծնկներին: Դուք բարդույթավորված անձնավորություն եք: Միշտ ձգտում եք գտնվել ուշադրության կենտրոնում, բայց անտեղի չարանում եք, երբ դա ձեզ չի հաջողվում:
- Խորհրդավոր ժպտացող տղամարդը կարող է շատ համեստ անձնավորության տպավորություն թողնել: Սակայն զգուշացեք. իրականում ձեր առջև կարող է լինել խորամանկ, ուսումնասիրող ու խորաթափանց անձնավորություն:
Աղբյուր՝ ArmEco.am · նյութի մասնակի կամ ամբողջական արտատպումն առանց ArmEco.am-ին հղման արգելվում է
|
Մուտք
7890
| 
իսկ ես 2-րդը...
ՉԱՏ