Եթե ոմանց բառը ոչինչ չհուշեց, տեղեկացնենք, որ խոսքը գնումներ կատարելու եղանակով վատ տրամադրությունը ցրելու մասին է: Ինչպես հավաստում են հոգեբանները, խանութներում, տոնավաճառներում շրջելը և տարբեր ապրանքներ ձեռք բերելը վանում են սթրեսները, ընկճախտը և կտրուկ բարձրացնում օրգանիզմի կենսական ուժը: Մի շարք եվրոպական հոգեթերապևտներ իրենց հիվանդներին խորհուրդ են տալիս շրջել խանութներում, ընդ որում բոլորովին էական չէ, թե ինչ կգնեն` հագուստ, գիրք, օծանելիք, թե ոչ մի բան: Ինչպես հավաստել են այս խորհրդին հետևած մարդիկ, իրենք տուն են վերադարձել բարձր տրամադրությամբ:
Եթե այդպես է, ուրեմն մենք էլ փորձենք օգտվել այդ մեթոդից: Բայց ինչպե՞ս` անմիջապես կառարկեն շատերը: Չէ՞ որ կիսադատարկ քսակով գնումներ կատարելու (այն էլ պարբերաբար) հնարավորությունը խիստ սահմանափակ է: Կրկնենք, որ գնելն այնքան էլ կարևոր չէ, գլխավորը խանութից խանութ շրջելն է, տեսականուն ծանոթանալը, նոր իրեր տեսնելը: Խանութ գնալիս հետևեք հետևյալ խորհուրդներին.
մի վերցրեք ձեր ամբողջ գումարը, այլ միայն այնքան, որքանը կցանկանայիք խանութում թողնել,
մի թույլ տվեք վաճառողներին երկար-բարակ համոզել ձեզ, որ հետո չզղջաք ու կրկին չնյարդայնանաք,
մի գնեք այնպիսի իրեր, որոնցից արդեն ունեք:
Գնեք, համոզված լինելով, որ այդ իրը ձեր ուզածն է: Գնեք բացառապես որակյալ ապրանք և կզգաք, թե ինչպես եք պարուրվում դրական լիցքերով, ինչպես է բարձրանում տրամադրությունը: Իսկ չէ՞ որ դա առողջության լավագույն գրավականն է:
Աղբյուր՝ ArmEco.am · նյութի մասնակի կամ ամբողջական արտատպումն առանց ArmEco.am-ին հղման արգելվում է
Մուտք
4798
| 
ՉԱՏ