Տնտեսական զարգացման և հետազոտությունների կենտրոնի կողմից Գերմանիայի միջազգային համագործակցություն (GIZ) ընկերության աջակցությամբ ամփոփվել է եւ հոկտեմբերի 26-ին ներկայացվեց «Հայաստանի տնտեսական զեկույց 2011»-ը:
«Արմենպրես»-ի հաղորդմամբ` զեկույցն ունի թեմատիկ բնույթ, որն ամփոփել է, թե նախորդ տարի Հայաստանը տնտեսական զարգացման ինչպիսի միտումներ է ցուցաբերել, ինչ արդյունքներ է արձանագրել «Արտահանողների մոնիտորինգ» հետազոտությունը: Գնահատվել է նաեւ ՀՀ-ԵՄ Ազատ առևտրի համաձայնագրի ազդեցությունը:
«Հայաստանի տնտեսական զեկույց 2011»-ն արձանագրել է, մասնավորապես, որ 2011-ին Հայաստանի տնտեսության վերականգնման տեմպը փոքր-ինչ արագացել է. 2010-ի 2.2 տոկոս տնտեսական աճի դիմաց գրանցվել է 4.7 տոկոս աճ: Զեկույցը, հիմնվելով նաեւ գերմանացի գործընկերների գնահատումների վրա, ընդգծում է, որ, այդուհանդերձ, Հայաստանի տնտեսության վերականգնման տեմպերը բարձր չեն. նախորդ տարվա արդյունքներով` ՀՆԱ-ի նախաճգմաժամային մակարդակը վերականգնվել է ընդամենը 92 տոկոսով: Ընդ որում` տնտեսության վերականգնումն ընթանում է տնտեսության կառուցվածքային ճշգրտումներով եւ կրում է առանձին ոլորտների արտահայտված ազդեցությունը:
Զեկույցում տեղ գտած գնահատականներն, ի դեպ, ոչ բոլոր դեպքերում են համընկնում պաշտոնական գնահատումներին եւ կարծիքներին: Էկոնոմիկայի փոխնախարար Գարեգին Մելքոնյանը «Հայաստանի տնտեսական զեկույց 2011»-ի ներկայացման ժամանակ ընդգծեց, որ ներկայացված դիտարկումներն ամեն դեպքում քննարկվելու եւ հաշվի են առնվելու:
Մուտք
5517
| 
ՉԱՏ